RIPOTA ZA ETI 2005

mwongozo wa ETI kwa wakulima wadogo
mapendekezo ya kufanya kazi na wakulima wadogo

Mwongozo huu unatoa mashauri na zana za Kufanyia kazi zilizopendekezwa na kundi la mradi wa wakulima wadogo wa ETI kwa ajili ya wale wanaofanya kazi katika mtungo wa ugavi wa bidhaa zitokazo kwa wakulima wadogo. Mwongozo wenyewe unalenga kutoa ushauri wa jinsi wauzaji wa rejareja, wanunuzi, wakulima wadogo na wengineo wanaweza kuchukua hatua za kuboresha kazi ya wakulima wadogo. Lengo kuu ni kujaribu kufikia utekelezaji wa viwango vinavyokubalika kimataifa kuhusu ukulima mdogo, na hasa, vile vya mfumo wa kimsingi wa kanuni za ETI.

 

 

Kuhusu Mwongozo Huu

• Extracts from Chapter 1:
  • Hadhara lengwa ya mwongozo huu
  • Kwa nini tunahitaji mwongozo huu
  • Hadhi ya mwongozo huu.

• Yaliyomo
• Download.

 

Hadhara lengwa ya mwongozo huu

Mwongozo huu unakusudiwa kutumiwa na makundi mbalimbali yanayohusika na mtungo wa kimataifa wa ugavi wa bidhaa zinazotoka kwa wakulima wadogo. Kimsingi, mwongozo huu unalenga wahusika wa biashara muhimu kwa mitungo hii ya ugavi. Vilevile unasheheni sehemu za kutumiwa na makundi yasiyo ya kibiashara, kama vile vyama vya wafanya kazi na mashirika yasiyo ya kiserikali yanayohusika katika uboreshaji wa viwango vya kazi kwenye uwanja huu. Mwongozo huu uliasisiwa na wanachama wa ETI, hasa kwa ajili ya wanachama wengine, lakini pia unalengwa kufaidi sehemu kubwa kati ya wasio wanachama, hasa:

• Wauzaji rejareja
• Wanunuzi ikiwa ni pamoja na wakala, vyama vya ushirika, wauzaji bidhaa nje, makampuni ya kufunga bidhaa katika vifurushi, na wagawaji
• Wakaguzi wa mahesaba wa kibiashara wanaohusika katika kukagua wakulima wadogo au wanunuzi
• Wakulima wadogo
• Vyama vya wafanya kazi
• Mashirika yasiyo ya kiserikali.

Vilevile mwongozo huu utawavutia wanataaluma wanaoshughulikia masuala ya ukulima mdogo.

 

Kwa nini tunahitaji mwongozo huu

Utumiaji wa mfumo wa kanuni za kazi kwa wazalishaji wadogo wa kilimo ni suala muhimu na lenye utata miongoni mwa wauzaji rejareja na wanunuzi pamoja na vyama vya wafanya kazi na mashirika yasiyo ya kiserikali yanayohusika na shughuli za haki za wafanya kazi. Utafiti na tajriba za wanachama umeonyesha kuwa wakulima wadogo na wafanya kazi wao huwa mara kwa mara wanajipata katika masharti maghumu na na hali duni kikazi.

Wakati huohuo, wakulima wadogo wanaonekana wanaongezeka katika mitungo ya kimataifa ya ugavi ya wanachama wa ETI. Kiwango ambacho masoko hutegemea bidhaa kutoka mashamba madogo kinatofautiana kulingana na bidhaa, lakini kwa bidhaa zingine, kama vile, kahawa, wakulima wadogo ndio wanaokuza kiasi kikubwa zaidi kinachouzwa katika masoko ya ulimwengu. Katika nchi nyingi zinazoendelea, mashamba madogo ndiyo kitengo cha kikuu cha uzalishaji wa kilimo.

Hata hivyo, licha ya umuhimu wao katika mitungo ya ugavi, wakulima wadogo wanatoa changamoto mbalimbali kwa wauzaji rejareja na wanunuzi waliojitolea kutekeleza kanuni za kazi. Changa moto hizi ni pamoja na:

• Idadi na uwezekano wa kupatikana kwa wazalishaji wadogo zaidi wanaohusika;
• Gharama za kusimamia idadi kubwa ya wazalishaji waliotawanyika;
• Matatizo ya kutambua na kuainisha wakulima wadogo, yanayotokana na fasili tofautitofauti za mashamba madogo na taratibuambazo zitatumika kuunganisha wakulima wadogo na mitungo ya kimataifa ya ugavi wa bidhaa;
• Umbali wa wauzaji rejereja kutoka kwa mkulima mdogo, unaosababishwa na urefu na utata wa mitungo wa ugavi unaowaunganisha;
• Uhaja ya kufasili jinsi kanuni zenye msingi katika viwango vya kimataifa vya kazi, zilizobuniwa hasa kuimarisha mahali pa kufanyia kazi kuambatana na hali za kikazi zisizo rasmi, kwa mfano ukulima katika mashamba madogo.

Kwa hivyo, kuna haja kubwa ya ushauri maalum na vilevile zana za kazi za kutumiwa na wale wanaohusika katika nyanja mbalimbali za mitungo ya ugavi ili kuwawezesha wote kuboresha hali za kikazi za wakulima wadogo. Mwongozo huu unanuia kutoa msaada huo.

 

Hadhi ya mwongozo huu

Mwongozo huu ni kipengee cha jukumu linaloendelea. Wanachama wa kampuni ya kundi hili wananiua kuutumikisha mwongozo huu katika mitungo yao ya ugavi wa mazao tofautitofauti katika nchi mbalimbali. Matumaini yetu ni kutumia mafunzo yatakayopatikana kusahihisha mwongozo huu na kutayarisha toleo la pili hapo mwaka wa 2006. Utafiti kuhusu Kenya unaorejelewa hapo juu, umechangia kubuni mwongozo huu. Yatupasa kutaja kuwa mwongozo huu umeandikwa kwa ujumla. Kwa hivyo, utahitaji kubadilishwa na watumiaji tofautitofauti ili uyafae mahitaji yao mbalimbali.

 

 

Download the guidelines

You may choose to download the entire document (or entire toolkit) from the first box below or select particular chapters to download individually. The links below give you the main chapter headings and indicate for whom they are primarily written. Please note that many of these are very large downloads - before choosing, you may wish to follow this link to view the detailed table of contents.

 or...

 

See also:

ETI Activities: Experimental projects: Smallholders.

ETI Events: Seminars: Smallholder guidelines UK launch seminar.

ETI Events: Conferences: Biennial conference 2005: Workshop - Smallholders